गुबुन गुबुन रोखोमनि मोसा लोगोसे गुबुन गुबुन जिब-जुनार नुबाय दावबायारिफोरा।
सालबारि,अक्ट’बर,14:
दोरोङारि नेर्सोन थावनि हायुङारि मानास हाग्रामानि 2025-26 दावबायथाइ बोसोरनि थाखाय फिन आरोबाव बेखेवनानै होनायनि से दान आबुं जायैयावनो बे समाव थोजासे दावबायारिफोर फैनायखौ नुनो मोन्नाय जादों।हायुङारि हाग्रामायाव गुबुन हादरारि दावबायारिफोरबो फैदों।मख’नो गोनांदि- हायुङारि हाग्रामा बिबानगिरिनि मिथिहोनाय बायदिब्ला देग्लाइ हायुङारि मानास हाग्रामायाव जिब-जुनारनि अनजिमाया थोजासे बारायनाय बेखौनो सानफ्रोमबो दावबायारिफोरा गुबुन गुबुन रोखोमनि मोसा लोगोसे गुबुन गुबुन जिब-जुनार नुनो मोन्नायखौ मिथिनो मोनदों।
बेराफारसेथिं हायुङारि मानास हाग्रामाखौ फ्लाष्टिक गैयै खालामनो थाखाय हायुङारि मानास हाग्रामा बिबानगिरिया बाहायथावना राहा लादों।हायुङारि मानास हाग्रामायाव हाबनाय दावबायारिफोरनि गंफ्रोमबो जीप गारिखौ फरेष्ट गार्डफोरा रोखा रोखायै आनजाद लादों।जायखिजाया फ्लाष्टिकनि बथल एबा मुवा-बेसाद गारिनिफ्राय दिहुन्नानै लाबोदों। प्लास्टिकनि दै बथल एबा जुस बथलफोरखौबो हायुङारि मानास हाग्रामायाव लांनो गनायथि होआखै।फारसेथिं हायुङारि मानास हाग्रामानि हाबग्रा गेटाव फ्लाष्टिक गैया खालामनायनि गुबुन गुबुन बेनार सिथाबनानै होनायजों लोगोसे हाबग्रा गेटनि गासैबो ओनसोलफोराव फ्लाष्टिक गैया खालामनानै समायनायै लाखिनाया रोखा जादों साफ्रोमबो दावबायारिफोरखौ।
हायुङारि मानास हाग्रामानि बिबानगिरिनि बेबायदि थांखि लानायखौ मोनसे खुगाजों बाख्नायदों हायुङारि मानास हाग्रामानि मिथिंगा मोजां मोनग्राफोरा।बेनिखायनो देग्लाइ थोजासे दावबायारिफोरा फैदों होन्नानै मिथिंगा मोजां मोनग्रा सुबुंफोरा आसा खालामदों।
About the Author
