गारिजों लोगोसे दावबायारिनि हान्जाखौ होसोदों गेदेर गान्दाया।
मुलुग दोरोङारि नेर्सोन थावनि हायुङारि मानास हाग्रामानि बासबारि रेन्जाव दिनै दावबायारिफोरनि गारिथिं होसोनाय मोनसे होस्रिख्रावनाय जाथाइ जादों । मख’नो गोनांदि- हायुङारि मानास हाग्रामानि बासबारि रेन्जनि गाहाय हाबग्रा गेटनि खाथिनि जायगायावनो दाबायारिफोरनि गारिखौ होसोनाय जाथाइ जादों । दिनै साननि समाव बासबारि रेन्जनि गाहाय हाबग्रा गेटनिफ्राय फ्राय से किल’मिटार गोजानाव दावबायारिफोरनि मोनसे हान्जाया जीप साफारि खालामबाय थानाय समावनो दावबायारिफोरनि गारिथिं मासे गेदेर गान्दाया उन उन होसोलाङो ।
ड्राइभारा साखा खब्रै जीपसि गारिखौ हाखु-दाखुयै गोख्रै सलायनानै बासबारि रेन्जनि गाहाय हाबग्रा गेटसिम लाबोदोंब्लाबो गान्दाया दावबायारि हान्जानि गारिखौ उन उन गाहाय हाबग्रा गेटसिम होसबाय थायो । गान्दानि गाग्लोबनायनिफ्राय दावबायारिनि हान्जाया रैखा मोनो ।
About the Author
