हार्थ ट्रब जुबिन गार्गनिसिम मान बावदों।
सालबारि,अक्ट’बर,17:
सालबारि फरायसालिमा गेलेग्रा फोथाराव आसाम सरकारनि सावस्रि आरो न’खर जौगाखां बिफाननि ज’रखा बिथांखि “सुरक्षा सेतु”नि गेजेरजों गेदेर सावस्रि आरो फाहामथाइ बादा खुंनाय जायो।मख’नो गोनांदि- मानास बिधान सभा समष्टिखौ बिथा खालामनानै बे सावस्रि बादाखौ खुंनाय जायो।फुंनि 10 रिंगायाव फाहामथाइ बादाखौ नेम बायदियै बेखेवो आसाम सरकारनि केबिनेट मन्त्री उर्खाउ गोरा ब्रह्मआ।बेखेवनायनि सिगां समाव बादानि हाबग्रा लांगोनायाव खुंनाय आसामनि हार्थ ट्रब जुबिन गार्गनिसिम मान बावो मन्त्री उर्खाउ गोरा ब्रह्मआ।बादा बेखेवनाय मेलाव मन्त्री उर्खाउ गोरा ब्रह्मआ बुंदोंदि- “आसामाव गिबि मन्त्री हिमन्त बिस्व शर्मानि दैदेन्नाय सरकारा सुबुंनि सावस्रि जौगानाय आरो सुबुं सम्पदखौ रैखाथि खालामनायनि सायाव लानाय मोनसे गोनांथार बिथांखिनि गेजेराव “सुरक्षा सेतु”आ मोनसे मख’जाथाव बिथांखि।
बेनि गेजेरजोंनो राज्योआ जोबोद मुलाम्फा जादों।” बेखेवनाय मेलाव भबानिपुर बिधान सभा बियाबनि एम एल ए फनिधर तालुकदार,बिटिसिनि मावफुं सोद्रोमा देरहासात बसुमतारी,नलबारि मेडिकेल कलेजनि गोरायुं ड० बाबुल बेजबरुवा,बाक्सा जिला फोनांजाब सावस्रि सामलायगिरि डा: हितेश काकतियाबो आलासि महरै बिबुंथि लाखिनायजों लोगोसे 21नं सालबारि बियाबनि एमसिएलए दिगन्त गयारी, सालबारि महकुमानि महकुमा बेंगिरि रिथ’त्तम बरा,सालबारि फरायसालिमानि गोरायुं ड० जगत चन्द्र बसुमतारी,बैसोगोरा समाज सिबियारि शरथ स्वरगियारीयाबो आलासि महरै बाहागो लादों।जौसेनिबो बांसिन डाक्टार आरो हेल्ट वारकारफोरा मानास बिधान सभा समष्टिनि गुबुन गुबुन जायगानि बेराममि सुबुंफोरखौ फाहामथाइ होनायजों लोगोसे मुलि रानदों बेरामिफोरनि गेजेराव।
About the Author
