सालबारि,अक्ट’बर,14:
गोसो जाब्लानो हायुङारि मानास हाग्रामायाव फैयोमोन जुबिन गार्गा।हायुङारि मानास हाग्रामा दावबायनो फैनानै खेबनै मोनानि आलासि जाफैदोंमोन मानासनि बासबारि रेन्जनि सिखिरि कटेजाव।खौरांनि गेजेरजों जुबिन गार्गा मानासाव फैनाय बाथ्रा बुंनानै गोसो खांदों सिखिरि कटेजनि बिगुमा शक्ति सिङा।खेबसे हायुङारि मानास हाग्रामायाव जुबिन गार्गा जीप साफारि खालामबाय थानाय समावनो जुबिन गार्गनि गारिखौ नुनानै होसोदोंमोन मासे गिदिर गान्दाया।जुबिन गार्गआ गेदेर गान्दाखौ Go Back,Go Back होन्नानै बुंनायाव थांफिनदोंमोन गेदेर गान्दाया।हायुङारि मानास हाग्रामाखौ लानानै “जुलु” मुंनि मोनसे फिल्म बानायनायनिबो थांखि आखायाव लादोंमोन जुबिन गार्गआ।
नाथाय जुबिन गार्गनि अब’थिरा रुंसारि जानायाव आद्रा जानानै थालांबाय बिथांनि गासैबो सिमां आरो थांखिया।मख’नो गोनांदि- गासै आसामनि थागिबिफोरा जुबिन गार्गनि थैनायनि न्यान नागिरनानै कटेजनि बिगुमा शक्ति सिङाबो आसाम सरकारनि सेराव जुबिन गार्गनि थाखाय न्याय लुबैदों।
About the Author
